سەبارەت ب کارکرنا کرێکاران ل رۆژانێن جەژن و بهێنڤەدانێت فەرمى، ل سیێ مادێ دا ژ یاسایا کارى دا ژمارە (71)یا سالا (1987) دا ئەڤ بابەتە دهێتە رۆن کرن ب ڤى شێوێ لخارێ دیارکرى.
لدیڤ مادێ (75) رۆژانێت جەژن و بهێنڤەدانێت فەرمى بریار پێ دایە لدیڤ یاسایێ کۆ  کرێکار کرێیا خۆ ب تەواوى وەربگرن، و هەروەسا ل بهێنڤەدانێنن فەرمى دا کرێکارى مافێ هەیى کار نەکەت، هەروەسا نابێت خاوەنکار بەرامبەر رۆژانێت بهێنڤەندان کریا کرێکارى کێم بکەت.
بەلێ لدیڤ مادێ (76) هندەک حالەت ییێت هەین کۆ تێدا رێکێ پێ دەت ل ماوێ رۆژێن جەژن و بهێنڤەدانێت فەرمى دا ژبلى بهێنڤەدانا هەفتیانە دا، واتە خاوەنکار دشێت داخازێ ژ کرێکارى بکەت ل وان رۆژاندا کاربکەت بەلێ ب مەرجەکى کۆ کرێکار لوان رۆژاندا بهێنڤەدانا خۆیا هەفتیانە دا نەبیت، هەروەسا بەرامبەر وێ کارکرنێ ژبلى کریا وى دڤێت خاوەنکار کریا دوو هندە بدەتە کرێکارى.

• ئەو حالەتێت کۆ خاوەنکارى مافێ هەیى کۆ کرێکارى کاربکات ئەڤ هۆکارەنە لدیڤ مادێ (63) هاتینە ل خارێ هاتینە دیار کرن:
1. ئەگەر کار کرن بۆ ریبریبوونێ بیت پەستان ئانکۆ (زخت) نە ئاسایى زبەر رۆژانێت جەژنا یان کارێن وەرزا یان هەر ئەگەرەکێ دى.
2. ئەگەر کارکرن بیت ژ پێخەمەت چاکسازیێ یان چێکرنا دەزگەها و کەرەستە و ئامێرێن تێکچووى دبیتە ئەگەرێ ژکارکەفتن ژ کارى یان بێ کاربوونا ژمارەیەکا زۆرا کرێکاران.
3. ئەگەر هاتوو کار ژ پێخەمەت رێگرتن بوو ژ ریبریبوونا ژناڤچوونا کالا و بەرهەمان.
4. ئەگەر هاتوو کارکرن بیت ژ پێخەمەت هژمارا سالانە و ئامادەکردنا بوودجە و ئامادەکرنا پاقژکرنا وەرزى و ڤەکرنا وەرزێ نى.

• دهەمى بارۆدوخەکى دا دەمێ کارکرنا کاتژمێرەکا زێدە و کارکرن ل جەژنا و رۆژانێت بهێنڤەدانێت فەرمى دا کارکرنا سالانە یا کرێکارى زێدەتر بیت ژ (300 کاتژمێر ) د سالەکێ دا. 
تێبینى: لدەمێ پەیدابوونا هەر سەر پێچیەکێ هین دشێن پەیوەندیێ بکەن ب هێلا هشیاریا کرێکاران:
(07721225500 , 07511225500 , 5500) واتسئاب و فایبر

ئامادە کرنا :ریڤە بەریا کار ل پارزکە ها دهوکی