ل گورەى یاسایا خانەنشین و دابین کرنا جڤاکى بو کرێکارن یا ژمارە 39 سالا 1971 یا هەموارکرى ب یاسایا ژمارە 4 سالا 2012 یا پەرلەمانێ کوردستانێ، حوکمێ ڤێ یاسایێ هەمى کرێکاران خوڤە دگریت چ کرێکارێ نافخویێ بیت یان بیانى.  ئانکو پیدڤى یە هەمى کرێکار بهێنە دابین کرن ژ بلى ئەوێن ل خوارێ دیار کرى.
مادا ئێکەم یاسایا ژمارە (4 سالا 2012)
 

ئێکەم: حوکمێ ڤێ یاسایێ هەمى کرێکاران  و خزمەتگوزارێن ل دەزگەهـ و کومپانیێن کەرتێ تایبەت ل نافخویێ هەرێمێ خوڤەدگریت بێی بەرێخودانا ژمارەیا کارمەندان.
 

دووەم: حوکمێ ڤێ یاسایێ ئەوێن ل خوارێ خوڤە ناگریت.
1.    فەرمانبەر ل ئێک فەرمانگەهـ ودام و دەزگەهێن  میرى یان ئەوێن راژەیا شارستانى ژێ دگریت.
2.    ئەو کرێکارێ کو بن سەرپەرشتیا رێکخراوەکا نیف دەولەتى یان هنارتیێن دیبلوماسى کار دکەن.
3.    ئەو کرێکارێن کو ژ لایەنەکێ کاردکەن کو بو کرێکارێن خو مەرج دانایە بو کەفتنا لبن سیستەمەکێ تایبەت ب خۆ.
4.    کارمەندێن هێزێن ئاسایشا ناڤخو و پاسەوانن سنوورى.
ژ بلى ئەوێن ل سەرى دیار کرى هەر کرێکارەکێ کریێەکێ بەرانبەرى کارەکێ دیار کرى وەرگریت  لبن سەرپەرەشتیا خودان کارى دهێتە دابین کرن.

ئامادە کرنا: جوتیار مراد عەبدوڵڵا